57. หิมิ
มุยฺหามิ มุห=เวจิตฺเต ‘‘ทิวาทีหิ ยก’’ (5-21)ฯ
61. ญาสฺส
ชานาติ ‘‘ญาสฺส เน ชา’’ (5-120)
67. หนา
ฉ จ ขา จ ฉ ขาฯ
70. กยิ
อิมินา กตา กยิราติ อชฺฌาหริตพฺพํฯ
71. ฏา
เอยฺยุมาทีนํ เอยฺยสฺสาติ วุตฺตตฺตา อุปาทิวชฺชิตสฺสาติ วิญฺญายติฯ
74. คุรุ
โอกาโร คุรุติ สํโยคปุพฺพตฺตา วุตฺตํฯ
76. โอวิ
วิกรณสทฺทสฺส อญฺญถาปิ พฺยวจฺเฉทกตฺตสมฺภเว อิธาธิปฺเปตํ พฺยวจฺเฉทกตฺตมฺปฏิปาเทตุมาห- ‘ยทิปิ’จฺจาทิฯ
78. เอยฺยา
อญฺญตฺราปีติ ภเวยฺยามุภเวยฺยามอิจฺจตฺราปิฯ
อิติ โมคฺคลฺลานปญฺจิกาฏีกายํ สารตฺถวิลาสินิยํ
ฉฏฺฐกณฺฑวณฺณนา นิฏฺฐิตาฯ
นิฏฺฐิตา จ สพฺพถา สารตฺถวิลาสินี ฏีเกติฯ
นิคม
[1]
สพฺพทา สุภทายิตฺตา, สตฺตานนฺตนิเสวิเต;
ปสตฺเถ-นฺวตฺถสญฺญาย, ปญฺญาเต สุภสญฺญิเตฯ
[2]
จาควิกฺกมปญฺญานุทฺทยาทิคุณสาลินา;
สุภเสนาธินาเถน, การิเต วสตา สตาฯ
[3]
ปฏิสลฺลานสารุปฺเป, วิหาเร สาธุโคจเร;
มโนนุกูเล โยคีนํ, วเร วิกฺกมสุนฺทเรฯ
[4]
เถเรน รจิตา สายํ, สาสนุชฺโชตนตฺถินา;
ฏีกา คุรุปทมฺโภช, รโชมตฺถกเสวินาฯ
[5] พหุสฺสุตานํ วิญฺญูนํ, ปรมตฺถาวคาหินํฯ
ปวตฺตตุ จิรํ เจโต, รญฺชยนฺตี นิรนฺตรํฯ
[6]
เยสํ น สญฺจิตา ปญฺญา, เนกสตฺตนฺตโรจิตา;
สมฺโมหพฺภหตาเวเต, นาวพุชฺฌนฺติ กิญฺจิปิฯ
[7]
กินฺเตหิ ปาทสุสฺสูสา, เยสํ นตฺถิ คุรูนิห;
เย ตปฺปาทรโชกิณฺณา, เตว สาธูวิเวกิโนฯ
[8]
ปุญฺเญน สตฺถรจนาชนิเตน เตน,
สมฺพุทฺธสาสนวโรทยการเณน;
โลกามิเสสุปิ กิเลสมลา อลคฺโค,
สมฺพุทฺธสาสนวโรทยมาจเรยฺยํฯ
[9]
เย-นนฺตตนฺตรตนากรมนฺถเนน,
มนฺถาจ โลลฺลสิตญาณวเรน ลทฺธา;
สารามถาติ สุขิตา สุขยนฺติ จญฺเญ,
เตเม ชยนฺติ คุรวา คุรโว คุเณหิฯ
[10]
ฏีกาโย วินสาทินํ วิรจยี โย กณฺฐภูสาปโร,
วิญฺญูนํ ชินสาสนามลมตีโส-กาสิ จานากุลํ;
สนฺโตสกฺกมโนมโนมกมโน สพฺภาวนีโย มหา,
สามี เม คุรุปุงฺคโว วิชยเต สารีสุโต-ยํ ภุวิฯ
[11]
ราชา วิกฺกมพาหุ พาหิตริปู ตาตฺวสฺส [ภาตาสฺส] โลกิสฺสโร,
สมฺมิตฺตานิหโน ติสีหฬปตี โยยํ มหาวิกฺกโม;
นิพฺภีโต [ติสูโร] วิชยาทิพาหุ วิชยี โส อาสิ ลงฺกิสฺสโร,
ตํ นิสฺสาย ผลํ จิราย ผลตญฺเจตํ สตํ สนฺตตํฯ
สิทฺธิ รตฺถุ
[1]
อคฺคมฺโมติวํเสน, อภยารามสามินา;
ปญฺจิกาวณฺณนาภูตา, สา สารตฺถวิลาสินีฯ
[2]
มฺรมฺมกฺขรมาโรเปตฺวา, วิโสเธตฺวา ยถาพลํ;
สกิยพฺยวหาเรน, ติถีวสุ กรินฺทุนาฯ
[3]
ยุตฺเต วสฺเส ลงฺกาทีปา, สรฏฺฐมาหตา ปุน;
ภาสฺสปฺปทีปกาตนฺต, กาสิกาปญฺจิกาทิหิฯ
[4]
สํสนฺทิตฺวา วิจาเรตฺวา, วาเจตฺวาจ ปุนปฺปุนํ;
อูนาธิกาทิ โทสานิ, อปเนตฺวา สิเนสิเนฯ
[5]
สุทฺธฏฺฐเก จ วสฺเสสา, ปาปิตา ปกติฏฺฐิติํ;
สุทฺธาสุทฺธํว ทสฺเสนฺตี, โสเธตุ ปาฐสุทฺธิยาฯ